2021 жылдың қазан айының 8 күні ШЖҚ «Облыстық дәрігерлік – дене тәрбиесі диспансерінде» Қазақстан Кәсіподақтар күніне арналған іс-шарасы өтті. Шара барысында Облыстық дәрігерлік- дене тәрбиесі диспансерінің бөлім меңгерушісі Сайлаубаева Сайра Ербаевна:  – «Құрметті әріптестер, кәсіподақ мүшелері! Сіздерді "10 қазан - Қазақстан Республикасы Кәсіподақтар» күнімен шын жүректен құттықтаймын!  Баршаңызға кәсіподақ жұмыстарының жандануына қосқан үлестеріңіз үшін алғыс айта отырып, зор денсаулық, отбастарыңызга амандык, еңбекте мол табыс тілеймін!» - деп өз лебізін білдірді, сондай-ақ аға медбике Кыдырбекова Шолпан Кенжебаевна және кәсіподақ төрайымы Абзельбаева Гульшарат Настаевна өздерінің жылы тілектерін білдірді. Сонымен қатар, кәсіподақ қозғалысының белсенділеріне "SENIM" Денсаулық сақтау жүйесі жұмыскерлерінің салалық кәсіптік одағы Республикалық Қоғамдық Бірлестігінің Алматы облыстық филиалының төрағасы Айбол Исаевтың атынан Облыстық дәрігерлік- дене тәрбиесі диспансерінің есепшісі Нуржаканова Бахыт Тулехасовнаға және кадр бөлімінің инспекторы Кожакапанова Салия Баскамбаевнаға алғыс хаттары табыс етілді.