Үлкенді сыйлау мен оларға құрмет көрсету – ата-бабадан келе жатқан салтымыз. Осыған орай Облыстық дәрігерлік дене тәрбиесі диспансерінің ұжымы Қазақстан Республикасында дәстүрлі атап өткізілетін  1 қазанда Қарттар күніне арналған салтанатты іс шараны  ұйымдастырылды.Зейнетке шыққан барлық ардагерлерді ақ дастархан жайып, шапандарын жауып, сыйлықтарын беріп қарсы алды.

Ардагерлерге,  Сіздердің өмірлік тәжірибелеріңіз бен ақыл-кеңестеріңіз, тәлім-тағылымдарыңыздың біз үшін орны бөлек. Себебі, әрқайсыларыңыздың облыстың өсіп - өркендеуіне қосқан үлестеріңіз бен еңбектеріңіз ерен. Талай жасты тәрбиелеп, ізбасарларыңызды өсірдіңіздер. Бүгін, еңбектеріңіздің зейнетін көріп отырған шақта да Сіздер ұрпақтарыңызға игілік пен ізгіліктің, пайым - парасаттың үлгісін танытудан жалыққан емессіздер, Сіздерге баянды бақыт, мәнді өмір, зор денсаулық пен амандық тілейміз, жақындарыңыздың өздеріңізге деген сарқылмас сүйіспеншілігі мен мақтаныш сезімі арта берсін деген ақ ниет тілейміз.