Спорт күні мерекесіне орай 2018 жылдың 15 тамыз күні Талдықорған қаласының әкімі Шалтабаев Дастан Тұрарбекұлы спорт ардагерлерін, спортшыларды және спорт саласының қызметкерлерін марапаттауға арналған салтанатты жиын өткізді. Аталған жиынға Облыстық дәрігерлік дене тәрбиесі диспансерінің бастығы Нуржаханов Бакытжан Угарович және қаламыздың спорт ардагерлері, жаттықтырушылар, Олимпиада, Әлем және Азия жүлдегерлері, спорт мекемелері мен федерацияларының басшылары қатысты.Қала әкімі Шалтабаев Дастан Тұрарбекұлы Қазақстан Республикасының Спорт күні кәсіби мерекесімен құттықтап, жылы лебізін білдіріп, алғыс хаттар мен бағалы сыйлықтармен марапаттады.