Жетісу облысының денешынықтыру және спорт басқармасының басшысы Үшкемпіров Алмат Тоқтарбекұлы келіп туған күн иесін құттықтап, ізгі тілектерін білдірді. Кәсіполақ төрайымы Абзелбаева Гүльшарат Настайқызы кәсіподақ атынан өз құттықтауларын жасады. Сондай-ақ диспансеріміздің дәрігері Сайлаубаева Сайра Ербайқызы: – «Құрметті Бақытжан Ұғарұлы!!! Сіз көп жылдан бері медицина саласында еңбек етіп, осы жолда көп белес-биіктерден өткен жігерлі азаматысыз. Бойыңыздағы еңбекке адал, мақсатқа берік  қасиеттеріңіздің арқасында Сіз бүгінде осы облыстық дәрігерлік-денетәрбиесі диспансерімізді басқарып келесіз. Әріптестеріңіз Сізді ақылман басшы, іскер ұйымдастырушы, жарқын бастамалардың қолдаушысы ретінде ерекше бағалап, құрмет тұтады.

Бүгінгідей мерейлі сәтте Сізге ақ ниетпен мықты денсаулық, қажымас күш-қайрат, ортаймас  несібе-дәулет тілейміз. Еңбекте мол табыстарға, мақсатта биік шыңдарға жете беріңіз, абырой-беделіңіз бен табыс-тартуларыңыз арта берсін. Әрдайым отбасыңыз аман, жүзіңіз жарқын, мерейіңіз үстем болсын!»- деп диспансердің атынан құттықтады.

Диспансеріміздің қызметкерлері әрқашан да бір-бірімізді қуантып, демеп, биіктен көрініп жүрейік. Мерейіміз үстем болсын!!!