2021 жылдың 28 қараша күні Ескелді ауданы «Тау Жетісу» демалыс аймағында «Саят»  ұлттық спорт түрлері бойынша «Сонар-2021» республикалық жарысы өз мәресіне байланысты, Облыстық дәрігерлік - дене тәрбиесі диспансерінің дәрігері Сайлаубаева Сайра Ербайқызы фельдшер Болат Құрманқазы және жедел-жәрдем автокөлігінің жүргізушісі Нұржақанов Ақылжан қатысушыларға шұғыл медициналық қызмет көрсетіп, қажетті дәрі-дәрмектерімен және медициналық бұйымдарымен толықтай өз кезекшіліктерін атқарды.

Жарысқа 11 облыстан 80 нен астам құсбегі қатысты. Алматы облысы әкімдігінің қолдауымен өткен турнирдің жалпы жүлде қоры 4 000 000 теңгені құрайды. Бұл жарыс биыл 24 -ші мәрте ұйымдастырылуда.

Аталған іс-шарада «Қансонар» аңшылық бірлестіктер және аңшылық шаруашылық субьектілері Республикалық ассоциациясының басқарма төрағасы Әбдікарім Оралбай Әбдікарімұлы, Қазақстанның еңбек сіңірген қайраткері, «Қыран» федерациясы қоғамдық бірлестігінің президенті Нұрлан Өнербай, Қазақстанның еңбек сіңірген қайраткері Қанат Айтбаев, Қазақстанның еңбек сіңірген қайраткері Бақтияр Қожа, Қазақстанның еңбек сіңірген қайраткері эстрада әншісі Досымжан Таңатаров, Алматы облысы Ескелді ауданының әкімі Рустам Али және Пекин Олимпиадасының күміс жүлдегері, Алматы облысының дене шынықтыру және спорт басқармасының басшысы Теңізбаев Нұрбақыт Молдахметұлының қатысуымен өтті.

Жарыс қорытындысы бойынша жүлделі орыннан көрінген спортшылар:

《ҚҰМАЙ ТАЗЫ》

3-ші орын Мүптекеев Ернар "Ақ сұңқар"-Алматы қаласы

2-ші орын Дәулеткелдіұлы Еркебұлан"Айқара"-Алматы облысы

1-ші орын Оспанов Айдос"Тұйғын"-Алматы облысы

《СҰҢҚАР》

3-ші орын Исабеков Қуаныш "Мұнтаз"-Алматы облысы

2-ші орын Оспанқұлов Танат "Самал"-Қарағанды облысы

1-ші орын Кодеков Мұрат "Қаракөз"-Алматы облысы

《ҚАРШЫҒА》

3-ші орын Пан Төлемырза "Тұйғын"-Түркістан облысы

2-ші орын Аршабай Дәурен "Ақаршын"-Түркістан облысы

1-ші орын Сейітжан Бексұлтан "Көкжендет"-Алматы облысы

《БҮРКІТ》

5-ші орын  Сейітжан Аян"Атамұра"-Алматы облысы

4-ші орын Сейітжан Алмас"Нұра"-Алматы облысы

3-ші орын Күнтуған Серікбек "Алғыр"-Нұр-Сұлтан

2-ші орын Кушкаров Арман"Нарын"-Атырау облысы

1-ші орын Әйетбай Ермұхан"Нұра"-Алматы облысы.

Ұлтымыздың асыл қазынасы болған ұлттық ойындарымызды жоғалтып алмай, ұрпақтан - ұрпаққа жетуін насихаттау, халқымыздың, баршамыздың міндетіміз деп білейік.

Өмірде осындай жеңістер мен жетістіктер көп болсын!