Алматы облысының денсаулық сақтау басқармасы, Талдықорған жоғары медициналық колледжі, «Senim» Денсаулық сақтау жүйесі жұмыскерлерінің салалық кәсіптік одағы республикалық қоғамдық бірлестігінің Алматы облыстық филиалы 2021 жылдың 13 қараша күні, Талдықорған жоғары медициналық колледжінің спорт залында Қазақстан Республикасы Тәуелсіздігінің 30 жылдығына арналған облыстық емдеу мекемелерінің қызметкерлері арасында шағын футболдан жарыс өткізді, осы жарысқа  Алматы облысының медицина қызметкерлері арасындағы ардагерлер қоғамдық бірлестігінің төрағасы Джансенгиров Тілеуберді Максимович және Облыстық дәрігерлік-дене тәрбиесі диспансерінің директоры Нуржаханов Бақытжан Угарович қатысты.

Жарыс қорытындысы бойынша емдеу мекемелерінің қызметкерлері жүлделі орындарға ие болды.

            Бірінші орын №2 Талдықорған қалалық емханасы 100 000 теңге көлемінде, екінші орын Қарасай орталық аудандық емханасы 70 000 теңге көлемінде және үшінші орынға Қаратал орталық аудандық емханасы 50 000 теңге көлемінде марапатталды.