Бүгін Жетісу төрінде Қазақстанның тұнғыш олимпиада чемпионы Жақсылық Үшкемпіровтың жүлдесіне арналған грек-рим күресінен жастар арасында Халықаралық турнир басталды.

Турнир мамыр айының 4-6 жұлдызы аралығында "Жастар" спорт сарайында өтеді. Бүгінгі турнирдің ашылу салтанатына Алматы облысы әкімінің бірінші орынбасары Турлашов Ләззат Махатулы, Лондон олимпиасының жеңімпазы, ҚР спорт және денешынықтыру істері комитетінің төрағасы Сапиев Серік Жуманғалиулы, Халықаралық күрес феддерациясының ЮВВ бюро мүшесі Турлыханов Даулет Болатулы, ҚР күрес федерациясының президенті Оспанов Бауыржан Кенесбекұлы, Бокстан сидней олимпиадасының жеңімпазы Артаев Бахтияр Карипуллаулы, Алматы облысы дене шынықтыру және спорт басқарма басшысы Теңізбаев Нурбақыт Молдахметұлы және т.б. спорт майталмандары ашылу салтанатының қадірлі қонағы болды. Турнирға Ресей федерациясы, Тәжікстан, Өзбекстан, Қырғызстан және Қазақстанның барлық облысынан балуандар қатысады. Білікті де жүректі балуандарымызға сәттілік тілей отырып, облыстық дәрігерлік дене шынықтыру диспансері қажетті медициналық құрал жабдықтарымен турнир басталып аяқталғанша толықтай кезекшілігін атқарады.