Астана қаласының 20 жылдығына орай, Талдықорған қаласының № 2 орта мектептің спорт сарайында, І.Жансүгіров атындағы мәдениет сарайында мүмкіндіктері шектеулі жастар арасынан облыстық "Жүректен жүрекке" байқауы өткізілді. Фестивалдың мақсаты жарымжан балалардың қоғамнан өз орнын табуына, қабілетінің ашылуына ықпал етуді, олардың шығармашылығына қолдау көрсетуді көздейді. Осы байқау қатысушыларына қажетті дәрі-дәрмектерімен және медициналық бұйымдарымен Облыстық дәрігерлік-дене тәрбиесі диспансері жедел жәрдем бригадасының кезекшілігі өз қызметін көрсетті.